Ki soo ngut ki bru kiwa na jylla Telangana kiwa da lai cha Russia deiwa kular wow yoh kreh, da chah pynyaleh thma pathan ki wa ka Ukraine.
Kini ki bru toh kiwa na Nizamabad wa Kamareddy District wei da su ki hadooh Rs. 3 lak samen cha ki Agent wa kular wow pynyoh kreh ki ha Russia heiwa ka tulop man ko Rs. 2 lak chi bnai.
Katkam wa pyntip kiwa ha-yung kini ki chynrang, manda poi ki ha Russia da kit ki da ka kari kamwa 12-15 kynta hadooh wa poi ha kawi ka Military Camp wei da chah knieh ki Mobile Phone ki.
Ya kini ki bru da e Training kammon wow pynemkaam ya ki suloi wei da phah leh wow sap ki Uniform chipai.
Neiliang ki yung ki sem kini ki soo ngut da lai paan yarap ki na u CM, u Pravasi Prajavani.
Neiliang ka Ministry of External Affairs da pyntip ko wa ini i chah thok ki bru na India deiwa kular yoh kreh tangwa poi chei phah yaleh thma da jia i neipor cheipor ha ki ar snem wa da lai.
Da pyntip leh wa em kiwa kwah wow lai psiah kam ki chipai ka Russia deiwa yoh da ka tulop tangwa hadien won da lai paan yarap ki na ka sorkar India yow pynlait ki.
Em won leh kiwa da lai cha ki bor sorkar India deiwa kwah wow ieh noh yei man kam kiwa chong chnong ka India yow yoh noh ki da ka Passport Russia yow psiah man kam ki chipai wei da em kiwa leh yeini khlem da pyntip cha ka sorkar deiwa chah phon da ka poisa wei kini ki kaam waroh toh kiwa maa bha.
Da chem leh wa kini ki bru wa khut kreh toh kiwa man kam ki Volunteer ymtoh kiwa em ha kiwon kiwon ki seiñ, kamtæ da kyntu ya ki paidbah wow man kiwa husiar wei ymtoh wow pdiang yei tyrwa na ki bru ki wym em Register wa ka Ministry of External Affairs.
Discussion about this post