Ki kaam chah thok poisa ki bru da sdang joor biang hi ha kini ki sngi wa dadep heiwa katkam wa pyntip ki pulit, kawi ka bru wa kawa chong chnong ka Eastern West Khasi Hills da ujor ko wa da yoh Phone ko na u bru wym tipmit ko uwa da kam toh uwa kreh ka SBI uwa da kylli na ka ya u OTP wa da yoh ko yow pyntikna ya ka Bank Account ko heiwa ka da ngait ko yeini deiwa khana lut tangwa hadien won da chem ko wa da em wa pynlut Rs. 93,000 na ka Credit Card ko yow thied tiar.
Hadien chi tayaaw won da yoh SMS wa hap ko wow su ya ka EMI.
Uwi won u bru uwa chong chnong ka Shillong da pyntip u wa da yoh Phone u na u bru wa kam ya idæ kam uwa kreh ka ICICI Bank uwa da pyntip cha oo wow phah ya ka Application lyngba u WhatsApp yow yoh Credit Card u. Hadien won dapoi ki OTP wa wa kiwi ki SMS wa pynyoo wa da em wa thied tiar le sien na Flipkart deiwa pynemkaam ya ka SBI Credit Card u heiwa da pynlut Rs. 1,59,648.
Yeini da ye wow jia hadien wa da khana lut u ha ka Application wa da phah u lyngba u WhatsApp.
Sa iwi won da jia ya uwa chong chnong ka South West Khasi Hills, uwa da ujor wa em ka bru wa tipmit u ha Facebook kawa tip kam ka Aarti Sharma kawa da phah Message ya oo lyngba u WhatsApp heiwa da pynbiej ko ya oo tangwa hadien won da maham ko wow dai sarom oo lada ym su u Rs. 11,000 iwa da leh u deiwa su kajiak chisien deiwa leh yeini ynru sien.
Uwi won uwa chong chnong ka East Jaiñtia Hills da pyntip u wa da em wa sai Rs.15,164 na ka Flipkart Bank Account u khlem da tip u.
Kawi won kawa chong chnong ka Shillong da pyntip ko wa nadooh ka 30-03-25 hadooh ka 15-04-25 da em wa sai boonsien ka poisa kawa dapoi hadooh Rs. 8,27,979.80 na ka Bank Account ka bei khian ko.
Kawi won ka bru kawa na Gujarat da ujor ko wa ha ka 18 tarik uni u bnai da Book Hotel ko lyngba ka Website wa tip kam ka www.hotelinshillong.com kawa pynlai da ka Midtown Hospitality India heiwa da su ko Rs. 32,760 tangwa hadien da chem ko wa kani toh ka Website thok.
Discussion about this post