Ka Cyber Wing ki pulit ka Meghalaya da pyntip ko wa da em boon ki bru wa chah thok ha ki Scheme thap poisa yong ka ‘Look Online Job’, ka ‘Look Company’, ka ‘Look’ waka ‘Look Culture Media Ltd.’
Ki bru da chah pynbiej ki wow thap poisa deiwa yoh ya ka nong kawa heh bha tangwa chisien wa da thap poisa ym ye de ki wow sai ya ka poisa wei da chah pynbor ki wow thap poisa chooh chooh. Kani ka rukom thok bru toh kawa tip kam ka Pump-and-Dump Investment Scam yow tooh ya ka poisa wa da kreh chitom ki bru.
Neiliang ki pulit da ong ki wa lada yoo ya iwon iwon i kular wym sñiaw ye ngait, lada em kiwa paan poisa chooh chooh yow ye u pynlait ya ka poisa, kiwa pynbor wow thap poisa, i wym khooid i rukom man ka Company wei kiwa phah khut lok yow thap poisa ki, ya kam kini toh u pyntip cha ki pulit.
Lada tip phi wa kiwa ha-yung ha-sem, ki lok ki jor yong phi da chah pynbiej ki ha kam kini, toh u pyntip ki cha ki pulit wa em chajan wei ye leh wow Phone ha u 1930 wa ha u 9402519391.
Discussion about this post