Katkam wa pyntip ki pulit, haka 12 tarik uni u bnai u Montu Talukdar da ujor u wa heipor wa dang pynemkaam u yaka YouTube da chem u ya iwi i pyrtuid ‘Shillong Teer Number’ iwa da booh lang wa i Phone Number.
Hadien wa Phone u ya uni u Number, u bru uwa jubab da phah u ya oo wow su u T. 3,100 yow yoh u psiah hapoh ka Group yong ki.
Kamtæ uwa ujor da phah u ya kani ka poisa lyngba ka kor CDM haka Account wa da e. Haka jooh ka sngi (ka 12 tarik) da phah wow thap sa T. 8,000 heiwa da leh u yeini.
Tangwa hadien ini leh da phah ma phah thap poisa ya uni u bru heiwa da sñiawthooh u wa da chah thok u wei da dam noh u wow thap poisa.
