Uwa yalehke Cricket wa pawnaam ka India, u MS Dhoni da ujor u pyrchah ya ki bru wa jooh ya krehlang u kiwa naka Aarka Sports and Management Limited deiwa pynbaad wa chah thok chah chukor u Rs. 15 klur ha kini ki bru wa tip kam u Mihir Diwakar wa u Soumya Vishwas heiyatoh wa i kaam wa da ya soi ki wow ya kreh ha u snem 2017.
Kani ka soskular wa da ya soi toh yow sdang ya ki chlem e sikai yaleh Cricket namo ki Cricket Academy kiwa toh u man hei pyrtuid u Dhoni hapoh India wa cha baar ri heiwa u Dhoni da ong u wa kini ki bru ym em bood ki katkam ka soskular wei da dawa u wa toh u su cha oo yaka bhah wa yoh nong ki katkam wa da ya mynjur.
Hadien wa yoo u Dhoni wym em bood ya ki kyndon ka soskular, da pyndooh noh u yei e bor wow pynemkaam yei pyrtuid u wa da e cha ka Aarka Sports wei yeini da leh u ha ka 15-08-21, wei da phah u leh ki kot ki sla cha kini ki bru yow dam noh ki yeini, kamtæ da ong u wa i dooh nong u na ini i chah thok dapoi ko hadooh Rs. 15 klur.
Ka Aarka Sports haka Website yong ka da pynemkaam ko yei dur u MS Dhoni deiwa ong toh ka man ko kawa pait ya kiwa yalehke deiwa man leh kam ka “Top-Class Consultancy”.
Ka Aarka Sports katkam wa da ya mynjur toh u su ko yei bai pynemkaam yei pyrtuid u Dhoni kamjooh u e ko i bhah cha oo na ka nong wa yoh ko tangwa ym em leh ko yeini.
U Dhoni da yaleh u leh da ka mukotduma haka haka yung bichaar ha Ranchi.
Discussion about this post