Katkam wa pyntip ki pulit, u Mackey K Marak da ujor u wa haka 5 tarik uni u bnai da yoh phone u na u bru wa ym tipmit u uwa da kam toh u Manager ka Airtel Company, Shillong, uwa da pyntip cha oo wa ka Company emkaam thaw ko ha i chnong yong oo ha Rangsapara, WKH, yow booh ya u Airtel Tower heiwa daw su ka Company T. 20 lakh neibynta 15 snem tangwa hap su u T. 1,61,500 neibynta ka Pollution wa GST. Hadien wa su ya ini wei ym wan booh ya u Tower, uwa ujor da sñiawthooh u wa da chah thok u.
Haka 18 tarik uni hi u bnai, u Iaineh Junom Lakhiat da ujor u wa ha kani ka sngi da em kiwa tooh yaki Battery wa chongdor T. 85,000 naka Jio Tower wa em ha Khlieh Umstem, Ri Bhoi.
Haka 15 tarik won u Dr. Robert R Marak uwa naka District Surveillance Office, Polo Collection Center, Shillong da ujor u wa ha kani ka sngi da em wa tooh T. 56,500 na Polo Collection Center, Shillong.
Haka 13 tarik, u Sanath Ch Marak, u Pastor ka Mangsapani Baptist Church, WGH da ujor u wa em kiwa psiah tooh chapoh ka yung ka Mangsapani Baptist Church wei da tooh ki ya kawi ka Amplifier, 2 tylli ki Microphones kiwa chongdor T. 50,000 deilang waka Donation Box wa em T. 50,000.
