Ynnin ka 2 tarik hadien wa pynbna ya ki pyrtuid ki kyrtong wa jop ki wow man kam ki MLA, da em chiboon i sñiawsih wa i chrai na ki bru kiwa kyrchaan ya ki kyrtong kiwa da chah rem heiwa da sakhi yei awri ha ki kattu katni chnong ka jylla.
Ha chnong Sahsniang ha ka 2 tarik hi da em ki bru kiwa da lai tynyap ya ka bordiñ ha ka chnong wei hadien ini da mih i awri wa joor ha ka chnong hadooh wa da hap wow pynbna noh da ka Curfew ha kani ka chnong.
Katkam ka yutip wa da yoh, da ong wa ha kani ka miet da em i pakhot moo, ki chah dat moo ki yung ki sem yong ki bru kiwa da kyrchaan ya u kyrtong ka UDP, u Nujorki Sungoh.
Da em ki damok kiwa da uiñ kiwa da thang diñ hapyrdi sarok, kiwa da kah ya ki sarok da ki moo wa kiwi ki tiar, da chah dat moo leh ki kari, wa kamjooh i chah thang ki kari.
Neiliang ki pulit da yaleh ki wow wanrah yei chongsuk tangwa ki paidbah wa boon ym ngait de ki yeiwa pynlai ki pulit wot hadien wa da pynkrehkaam ya ka Curfew.
Ha ini i jia waroh ym em iwon iwon i jia wa sñiawsih wow em i mynsoo wow takha ki bru.
