Chah tooh ka Shangpung College wa kiwi ki kaam pyrchah aiñ

Jowai: Katkam ka yutip wa da yoh na ki pulit da ong wa ha ka 22 tarik uni u bnai u J. Islam Saikia, VEC, Secy. ka Charbatapara (WGH) da ujor u wa ha kani ka sngi heipor kamwa 3:00 waje i sngi da chah maham u ha ki bru wym tipmit lyngba ka phone.

Ha ka jooh ka sngi heipor 9:30 i miet, heipor wa liwan u Saikia cha yung hajan ka wah Rongsai, Phulbari-Ampati Road, da em ki damok wa sai da ka wait uwa da thmu wow dung oo weida lute na oo T. 50,000.

Ha ka 27 tarik uni u bnai heipor kamwa 8:00 waje i miet, u Magistrate chirup wa ki pulit da kem ki ya le tylli ki truck kiwa kit mooyong tooh na Lad Sutnga, EJH. Kini ki truck toh – (1) ML-10A-0831, wa yah da u Shanki Sari (24 snem), (2) ML-04A-7216, wa yah da u Pynbna Rymbai (43 snem) wa (3) AS-01DC-3221, wa yah da u Hamran Shylla (24 snem).

Ha ka jooh ka sngi ka I. Bamon, Research Scholar, NEHU da ujor ko wa da em ki damok kiwa da lute ya ka snieh poisa yong ka wa em ki kot ki sla wa emkaam, wa ka poisa T. 600. Hadien ini ki pulit da kem ya u Wanpynsuk Mawthoh (19 snem) wei na oo da chem ya ki tiar yong ka Bamon.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Ha ka 28 tarik uni u bnai da em ki damok kiwa da psiah  tooh cha ka Shangpung College wa em ha Muthlong-A (WJH) wei da tooh ki ya ka (1) Computer, (2) Printer, (3) Xerox Machine, (4) Water Pump, wa kiwi kiwi.

Ha ka jooh ka sngi ki Pulit da kem ki ya 24 tylli ki truck wa kit mooyong tooh wa pynyeiñ ha Umling Energy Petrol Pump (RB).