Ka YouTube da dap ko da ki Video wa pynyoorong yei rukom im kamjooh ka spah ka phaw ki bru heiwa em ki Channel kiwa pynyoo ya ini du wow yoh ya ki hajar ki lak ngut ki Subscriber.
Ha kani ka kynti won du hadien wa pynmih yei Video ki chijur na Kanyakumari, da chah kynreh wei chah tooh i yung ki ha Nagercoil hadooh Rs. 1 klur nadooh i ksiar hadooh ka poisa.
Kini ki chijur da tip kam u Vinoth Kumar wa ka Madhumitha.
Da ujor ki wa da chah tooh ki ksiar ki, ki moolangnai kiwa chongdor kamwa Rs. 1 klur wa ka poisa Rs. 50,000.
Neiliang ki pulit dang takit ki ya ini deiwa booddien ya ki Social Media yong ki chijur.
I yung ki chijur em i ha VIP Garden, Thammathukonam hajan Nagercoil, ka Kanyakumari District ka jylla Tamil Nadu heiwa ha ka 24 tarik uni u bnai da mih ki na yung yow lai thied tiar wei manda poi ki ha yung da chem wa da chah khyndang ka dwar yung kamjooh ka Locker.
Ka Madhumitha em ko palat 4.5 lak ngut ki Follower ha Social Media wei da tip ya ka kam kawa pynyoorong bha ya i yoh i laa ko.
Discussion about this post