Katkam wa pyntip ki pulit, ha ka 30 tarik u bnai wa dep da em kawi ka kynthai wa chah tooh ki sahchkoor ksiar heipor wa chong Taxi ha Shillong.
Katkam ka ujor da ong wa ha katai ka sngi heipor kamwa 11:00 waje i step hadooh 12:00 waje pyrdi sngi, da ku ko ya kawi ka Taxi yow lai na Motphran cha Dhanketi.
ADVERTISEMENT
Hadien won da ku ar ngut ki kynthai ki wym tipmit ko hapoh kani ka Taxi wei manda poi ha Them Bijoy da yoh thiah ko khlem da sñiawthooh.
Manda khyrngiat ko da chem ko wa da wiar ki sahchkoor ksiar ko wei ki ar ngut ki kynthai leh ym em de ki hapoh Taxi lait na ka wa uwa yah kari.
Da suba ko wa kini ki ar ngut ki kynthai toh kiwa tooh yei sahchkoor ko deiwa emktilang uwa yah Taxi.
Discussion about this post