Chah tooh palat Rs. 9 lak na ka ATM ka HDFC wa em ha Wapung Skur

Ki pulit ka East Jaiñtia Hills da pyntip ki wa chah tooh ka poisa na ka kor ATM ka HDFC wa em ha Wapung Skur, East Jaiñtia Hills.

Yeini i chah tooh da chem hei step ka 14 tarik uni u bnai heiwa da yoo chwa yei phylla da kiwa chong chnong ka Wapung Skur.

Ka poisa wa chah tooh napoh kani ka kor ATM man ko Rs. 9,57,900.

Heiyatoh wa ini da ujor ya ka FIR wei i takit dang man i iwa lai chaphrang.

Related posts

Thooh ki pulit ya kiwa tooh na iwi i dukan

June 6, 2026

Chah slaitbor kawa dang 17 snem kawa kreh ha iwi i yung ha Shillong wei chah beh kreh leh ka bei ko

June 4, 2026

Kini kiwa tooh da em ki ar ngut wei da jia i heipor kamwa 2:24 i step heiwa da yoh leh wow riñ da ka CCTV ya kini ki bru kiwa da tymmoh yei dur ki heiwa da pynemkaam ki da ki tiar yow thang wei wow wai ya kani ka ATM.

Kini ki bru da tooh ki leh ya kawi ka kari Bolero Pick-up yow lai cha kani ka ATM wei da ieh ki ya kani ka kari ha Wapung.

U tre kani ka kari da pynyieñ u ka ha Dkhiah West ha ka 13 tarik wei hadien wa chah tooh ko da booh FIR u wei hadien wa chem ka da pyntikna u wa toh ka kari yong oo.

Hadooh wa pynmih ya ka khubor ym pu em kem ya kiwon kiwon.