Uwi u mot sahnaam yong u Mahatma Gandhi wa da chna da ka tama (Bronze) wei da pynyieñ ha Indian Community Centre, Rowville, Australia hajan ka Melbourne da chah tooh noh u.
Da suba wa da jia i ha ka 12 tarik u January, tangwa ki pulit da pyntikna ki yeini ha ka 2 tarik uni u bnai.
Ki pulit da ong ki wa ki bru wa tooh da pynemkaam ki da ki kor wa heh wow ah ya uni u mot wa 426 kg chwa wow kit ya oo neini.
I dur yong uni u mot hadien wa chah tooh u da neh ki sadu ki khrop (Sandal) wa ki slakjat wa dang bi ha madan.
Ya uni u mot da pynyieñ ha u November 2021, wei da e kti ya oo da ka Indian Council for Cultural Relations, New Delhi wow pynkhlan yei yatoh ki ar ri.
Ka Victoria Police Knox Crime Investigation Unit da takit ko yeini wei da kyntu ko leh ya kiwa thied naar jæd wow pyntip lada em kiwa wan tyrwa dai ya uni u mot.
Discussion about this post