Ka wah Yamuna ha nongbah Delhi da chah tymmoh ko ha i tyrthoo rong lieh nadooh ka 17 tarik uni u bnai wei ini ye i wow ktah ya i chait u khiah ki bru.
Kamwa ka Chhath Puja u man ko ha ka 5 tarik Khonchonglad (Nov), heiwa ki Hindu daw ngam ki ha kani ka wah, tangwa i man bih ka um ye i wow ktah ya kani ka lehniam.
Mar pær i tyrthoo kani ka wah, da mih ki Video ha kylleiñ ki Social Media.
Uwa thoh khubor, u Ajit Singh Rathi da booh u yeini i Video deiwa thoh wa ka Bei Yamuna chitom joor bha ko wei itæ leh ha nongbah ka ri heiwa em ar tylli ki sorkar.
Ka Aam Aadmi Party da ong ko wa ka sorkar Delhi da booddien ko yeini wei da sdang wow brait ya ki Defoamers wow yakhun yeini.
I sma ini i tyrthoo pynyoo wa em joor i Ammonia wa Phosphate iwa ktah ya ka sniehdoh wa hei wow riñ mynsien.
Em leh kiwa da pynbaad wa ini i jakhlia kani ka wah toh neiwa mih na ki karkhana.
Discussion about this post