Ka chnong Hingaria kawa em ha khappood waka ri Bangladesh, East Jaiñtia Hills District, da em i oor khyndaw ha u sarok wa lai cha katai ka chnong ha ki kattu katni ki thaw iwa da booh hei eh ya ki paidbah hei lai hei wan heiwa kiwa chong chnong da hap hi ki u pynkhooid ya ki thaw wa oor khyndaw yow ye ki u lai yaw lai haat.
Da chah ktah leh ki mar rep ki tre kwai tre pathi ha u slap wa laær wa wanrah ka Amphan kawa wan ha ini i por wa dep.
Kamtæ neiliang u G. Talang, Secretary Chnong Hingaria wa u N L Talang, General Secretary Southern Border Youth Welfare Association (SBYWA) da kyntu ki yaka sorkar lyngba u Deputy Commissioner wow e ya ki laad yarap ya ki warep wa chah ktah yong katai ka chnong wei kamjooh da kyrpaad ya ka chnat PWD wow phah pynchna ko ya ki thaw wa joor i oor khyndaw yong u sarok.
Discussion about this post