I thap Vote neibynta ka Election MDC ha Wapungskur wa em ar tylli ki thaw thap Vote kawi ka Wapungskur-A yong ki chynrang waka Wapungskur-B won ka yong ki kynthai kiwa dang haap hapoh ka 22-Musniang Rangad Constituency, da hap wow pynsangeh noh hadien wa wan ki bru kiwa da tympiah tympra ya ki kor EVM wa em ha kini ki ar tylli ki Polling Station.
Ini da jia i heipor kamwa 11:30 ynne i step wei chwa ini leh da em wa mut u mih i awri awra tangwa da ye wow ya pynbait yeini.
Da pyntip wa kini ki bru wa leh yeini toh ki wym tipmit kiwa neiwon lada toh kiwa chong chnong næ ki baar chnong kiwa da psiah yabor kiwa da tympiah ya ka kor EVM yong ki kynthai wei hadien da lai ki sa ha thaw thap Vote ki chynrang heiwa heini leh da tympiah ki ya ka EVM wei kamjooh da pynjæd ki ya ki kot ki sla.
Kamwa man kattæ da sangeh i thap Vote ha kini ki ar tylli ki thaw wei da booh leh ya ka FIR wei ym pu em kem ya uwon uwon.
U DC da pyntip u wa dang yang yeiwa rai ka District Council Affairs yow tip iyi wow leh wei da wan u na ini i thaw deilang wa u SP wa ka Magistrate.
Discussion about this post