Ka Seiñ Kur Lamare Raliang-Shiliangmyntang Elaka da beiñ joor ko hajrong i chah tynyap dusmon u Rinal Lamare (64 snem) u khon yong ka (L) Rophina Lamare wa u (L) Moina War uwa chong wa sah ha ka chnong Barato, West Jaiñtia Hills iwa da jia ha ka 3 tarik uni u bnai.
Ka seiñ kur da pyntip ko wa u Rinal Lamare haka 3 tarik da mih u na yung heipor kamwa 10:30 i step yow lai cha lyngkha wei manda liwan nei kreh da em ki damok ki wym tip pyrtuid kiwa da dat da bom wei da dung ki oo da ka tari ha kiwa boon ki bynta yong i doh i pran u hadooh wa khlaad noh u.
Yei metyap da chem heipor 3:30 i sngi da ki para chnong wa wan na lyngkha iwa da thiah yap ha rood luti wei da lai pyntip ki wut-wut cha ka khon kynthai u kawa em ha-yung kawa lai phet cha i thaw wa tip kam i Pamron-Pohbir wa em harood chnong Barato heiwa da chem ko yei metyap yong u pa ko.
Ya ka First Information Report (FIR) da booh da kiwa ha-yung u Rinal ha Barato Police Outpost ha ka jooh hi ka sngi.
Yei metyap da kit cha Jowai Civil Hospital, Ialong yow leh ya ka Post-Mortem.
Neiliang ka seiñ kur da kyrpaad joor ko ya ki pulit yong ka Barato Police Outpost hapoh i yahkhmat u Officer In-Charge wow chimkhia u thooh ya ki bru wa emkti wow tynyap ya oo wei wow pynchitom ya ki katkam ka aiñ.
Kam wow kdaw heini wa ya u Rinal Lamare da kha ha Mowkyndeng-Madankynsaw wei da chongkha u ha Barato. Yei met yong oo u tlep emburom ha loom tlep-bru ka Balang Katholik, Mowkyndeng-Madankynsaw haka 04-04-24 heipor 2:00 waje i sngi.
Discussion about this post