Chah tynyap ka khynnah wa dang 5 snem hadien wa chah slaitbor ko ha Priang, WJH

Jowai: Ynne i step heipor kamwa 6 waje da chem ya i metyap ka khynnah wa dang 5 snem na hali wa em hajan ka chnong Priang, West Jaiñtia Hills.

Da suba wa kani ka khynnah da chah tynyap deiwa ksih na rdang ko hadien wa chah slaitbor ko.

Da pyntip wa kani ka khynnah da wiar ko nadooh ynnin i janmiet heipor 6 waje.

Da chem wa iwi i sah-chkoor ksiar kani ka khynnah da wiar i wei da suba leh wa emkti uwi u bru wa dang lait patok wa leh ya ini i kaam.