Kawi ka bru wa 25 snem da chah tynyap ko ha iwi i yungwai ha Hatigaon, Guwahati wei ya i khlieh yong ka da chem napoh ka Fridge ha ka 6 tarik uni u bnai.
Ya kani ka bru da tip kam ka Riya Talukdar Goswami.
Ki pulit da chem ki yei metyap ko na i yung wa em ha ka mala wa 3 ha Anjali Griha, Basisthapur Bylane hadien wa pyntip kiwa ha-yung nei suba sih wym em de yoh ki wow yaklam wa ka.
Ki pulit ka Hatigaon Police Station da pynman ki yei takit wei da phah ya ki bru ka Forensics wow wan chim ya ki sabut.
Neiliang ki pulit da ong ki wa i yung wa sah ka Riya toh iwa da brait bha wei da em i dak snaam leh ha madan.
Hadien wa chem yei metyap yong ka, da suba wa u kurim ka Riya, u Ramanujan Goswami uwa kamai kari wa da leh u ya ini i kaam wei da wan pyndem noh u ha ki pulit pyn ynnin hi ka sngi.
Kini ki chijur toh kiwa da sah ha i yungwai la 6 bnai wei da jooh yamai teiñ ki, da ong kiwa sah marjan.
Discussion about this post