Le ngut kiwa na Assam wa kynthup wa uwa yah yaka kari da chah tynyap ki wei yei metyap yong ki wa da chah thang da chem na i thlu wa em ha iwi i khloo ha East Garo Hills.
Kini ki bru toh kiwa tip kam u Jamor Ali (35 snem), uwa yah kari ya oo uwa tip kam u Noor Ahmed wa u Zahidul Islam (25 snem).
Katkam wa pyntip da ki pulit, haka 16 tarik uni u bnai, uwa emyatoh u Jamor da pyntip u wa kini ki le ngut da mih ki hei janmiet ka 15 tarik yow lai cha Meghalaya neidaw wa em wa khut ki neibynta i kaam wa hap pyndep ki ha Meghalaya.
Hei step ka 16 tarik heipor kamwa 6:30 i step, u Jamor da Phone u cha yung u yow pyntip wa dang dih cha ki ha iwi i khloo ha Garo Hills wei hadien ini da pleh lut ki Mobile Phone ki wei ym em de yoh u yaklam wa ki.
Ya ka kari yong ki da chem ki pulit na iwi i khloo wa rben wa em ha u sarok wa pynyabi waka chnong Rogu Alda iwa dang haap hapoh ka Rongjeng Police Station, East Garo Hills iwa jngai kamwa 1.5 Km na u NH-217 uwa pynyabi wa u sarok wa lai na Dudhnoi-Damra-Rongjeng-Baghmara.
Ki pulit da chem ki wa ka kari toh kawa da chah thang hapoh kani ka khloo wei hawa thooh ya ki thaw wa em chajan da chem yei khyndaw wa dang dep tih wei manda tih yeini i thaw da chem ya le tylli ki metyap wa da dep chah thang wei hadien wa pyndep ya waroh iwa emkaam da e kti cha kiwa ha-yung yong ki.
Ki pulit da pyntpi ki wa u Zahidul Islam toh uwa da jooh emkti ha ki kaam tooh kari wei da em Case u leh ha Dudhnoi wei ha Krishnai won da em kawi ka Non-Bailable Warrant pyrchah ya oo.
U Jamor Ali leh toh uwa emkti u tooh masi wei da em Case pyrchah ya oo ha Matia PS, Assam.
Hajrong ini waroh ki pulit da suba wa da jia neidaw wa em i yaleh hapyrdi kiwa tooh kari wa kiwa tooh masi.
Discussion about this post