Uwi u khynnah skur wa dang 10 snem da chah tynyap khiar u ha i chnong Umtangar wa dang haap hapoh ka Patharkhmah Police Station ka Ri-Bhoi District.
Ini da jia i ha ka 18 tarik uni u bnai heipor kamwa 7:00 waje i miet wei da chem yei metyap u na iwi i khloo wa em hajan i yung wa sah u.
Uni u khynnah toh uwa tip pyrtuid kam u Kitborlang Marbaniang wei u khon ka Diona Marbaniang wa u Synshar Nonghyndah kiwa da em 7 ngut ki khon heiwa 6 ngut toh ki chynrang wa kawi ka kynthai heiwa uwa khlaad toh u khon wa soo.
Katkam ka khubor wa da yoh, u Kitborlang haka 17 tarik da mih u deilang wa ki lok u heiwa ym em de poi yung u. Yei metyap u da chem haka miet ka sngi wa bood na i khloo.
Da em u yei kha chah dat ha i bynta i thnga wa ki khmat iwa da man ki dak wa chah tynyap u.
Hadien wa tip yeini, ki pulit ka Patharkhmah da lai ki wut-wut cha ini i thaw yow takit wei da kit leh yei metyap u Kitborlang cha Civil Hospital Nongpoh yow leh Post-Mortem wei da e kti cha kiwa ha-yung u haka 19 tarik.
Yaka FIR da booh ha Patharkhmah Police Station da ki bei ki pa uni u khynnah wei ka takit da lai ko chakhmat yow chem ya kiwa emkti u leh yeini.
Discussion about this post