Jowai: Katkam ka khubor wa da yoh, da ong wa u President ka Jaiñtia Youth Federation (JYF) u Poipynhun Majaw da chah tynyap u ynnin i miet ha ki damok ha i thaw wa em hajan ka yung krehkaam u DC ka East Jaiñtia Hills wa tip kam i Umsyllih.
Ya i metyap da chem heipor kamwa 11:30 i miet wei da chem leh ya ka wi ka thuk thuk hajan yong oo. U Poipynhun da takha u na khlieh wei da suba wa da em wa dat oo da u naar.
U Poipynhun Majaw da mih u ynnin ka sngi wow lai emkaam cha Khliehriat wei heipor kamwa 6 waje i miet dang phone u cha ka kurim u wow pyntip wa da mih u wow liwan u cha yung.
Ya i metyap yong oo kattæ dang booh ha Khliehriat CHC yow pyndep yeiwa emkaam.
Neiliang yong i daw pyntip chooh chooh ya phi heiyatoh wa ini.
Discussion about this post