Jowai : Katkam ka khubor wa da yoh da ong wa da chah tynyap uwi u bru na Mustem weiwa ini da jia i nadooh ka 19 tarik uni u bnai heiwa le ngut ki bru da chim wai ki ya kari kamai tourist Alto 800 wa em nomber ML-04-C-1062, rong lieh, yong u wi u bru wa tip pyrtuid kam u Ricky Challam wa sah ha Loompyrdi, Iongpiah, Jowai.
Katkam ka khubor wa yoh na ki pulit da ong wa ha i por 2 waje nohchariñ sngi le ngut ki bru ki wa ym tipmit da book ki ya ka kari u ma Ricky kawa da yah da u dribar yong oo u Sorki Bang u wa na ka chnong Mustem yow lai cha Shillong.
U tre kari hadien wa slem ka kari u wan yung da phone u cha u dribar tangwa ka phone u da man ko kawa switch off bait. Ha dien ini da lai ujor u cha ki pulit.
Hadien ki pulit ka Jowai da pyntip ki cha ki kiwi pulit da chem ya ka kari da ki pulit ka Patharkandi Police Station, Assam wei da yoh kem ya u wi u bru wa tip pyrtuid kam u Emi Nongpluh.
Ki pulit hei boodien yong ki da ye ki u chemdien ya ka mobile signal yong u Sorki Bang ha Kaltar Grant hapoh ka Kalain Out Post wa em ha Cachar District, Assam.
Ha ka 20 tarik uni hi u bnai da chem leh na ini i thaw ya ka met yap yong u Sorki wa da pyntikna da ki wa ha yung yong oo na ki dur wa phah lyngba ka WhatsApp.
Ya ka metiap da li thooh da ki wa ha yung yong u Sorki na Silchar.
Ka takit da lai ko cha khmat wei da dep register ya ka Case.
Discussion about this post