Ynne i step ki paidbah ka chnong Lapangap, West Jaiñtia Hills da mih ki hapoh i yahkhmat ki waheh ka chnong wow lai thooh ya uwi u para chnong yong ki u warep uwa ym em poi yung nadooh ynnin ka 29 tarik.
Uni u bru uwa da tip kam u Tellme Talang uwa dang 31 snem, da mih u wow lai pait yei hali yong oo ha i thaw wa tip kam i Khlieh Ladaw, Lapangap dang kamwa 5:00 waje ynnin i step neidaw wa joor u slap.
Ki paidbah da chem ki ya i metyap yong oo najan i hali u wei ki bor chnong leh da pyntip noh ki wut-wut cha ki bor ka aiñ wow leh yeiwa emkaam.
Neiliang ki paidbah da suba ki wa u Tellme da chah tynyap u ha ki bru ki wym tipmit wei katkam ki dak ki chin da yoo ya ki dak wa takha u ha khmat, ha tnga, ha khlieh, ha tympong wa ha ktien wei wa da yoo leh ya ki dak wa yakhun u pyrchah ya ki damok neibhah da chynna ya ki dak yaleh ha ki le tylli ki thaw.
Ki paidbah da pynkynmoo ki wa kani ka thaw da em ko hapyrdi i kajia wa ka chnong Tahpat iwa em ha khappood waka Assam, kamtæ da suba wa da chah tynyap u Tellme ha ki bru na baar chnong.
Neiliang ka chnong Lapangap da yaroh ko ya ki pulit kiwa da wan smat cha ini i thaw.
Discussion about this post