U Superintendent of Police ka East Jaiñtia Hills District da pyntip u wa ha ka 27 tarik uni u bnai heipor kamwa 8:30 i miet da em uwi u bru wa da chah tyrrah kari hadooh wa yap iwa da jia ha Pamchyndat, Rymbai.
Hadien wa pyntip cha ki pulit ka Ladrymbai OP yeini, da lai ki cha kani ka thaw heiwa da chem yei metyap wa thiah ha sarok wei ka kari wa tyrrah toh kawa da yut.
Ya u bru uwa yap ym tipmit de neidaw i khlieh toh iwa da piah phrai.
Hadien wa dep u leh yeiwa emkaam, da kit yei metyap cha Khliehriat Civil Hospital wei da booh hapoh ka Morgue yow wan kam kiwa ha-yung ha-sem.
Uni u bru toh uwa jrong kamwa 5ft, uwa sap patlun tbian rong suiñ bneiñ wa em ki dak Adidas, ka T-Shirt leh ka rong suiñ bneiñ, ka patlun poh rong yong, wa ki slipar rong lieh.
Kamtæ da kyntu ya kiwa tipmit lyngba ini i dur wow wan chimkti ki yei metyap.
Discussion about this post