Chah ujor FIR u Professor ka NEHU ha uwa lai puræ neidaw wa joor chah klam beiñ

Uwa puræ 9^th Semester ka Master of Laws (LL.M) ha ka Department of Law ha North Eastern Hill University da ujor FIR u pyrchah ya u Dr. Naveen Kumar Jha uwa man kam u Professor kani ka chnat.

Uni uwa ujor uwa man kam uwa chong chnong ka South West Garo Hills uwa tip kam u Kalyan Das, da ong u wa uni u Professor da pyndik wei klam beiñ u oo deiwa kdaw chaphang ka Caste u wa ki jaitbru u deiwa klam beiñ leh yei rukom klam u deiwa ong kammon lai puræ Law hawa tang u klam leh ym tip bha dei miat wei kani ka laiñ puræ ymtoh kawa ya oo.

Da klam beiñ u leh deiwa ong wa u Kalyan toh uwa em hapoh ka ri pyrchah ya ka aiñ, deiwa pynbaad leh toh uwa tooh wei man u uwa khwe dakha. Da klam beiñ u leh yeiwa wan u na ka manyung wa dooh wa duk wei da maham wei pynbor u ya oo wow mih u na kani ka University.

Related posts

Lada ym pyndam ka seiñ ki karkhana Cement yei pynche heiyatoh wa i pynemkaam Bulker Truck daw yaleh ka AMTT da ka PIL

April 17, 2026

Daw pynkynmoo biang ka HSPDP ya u CM wow sdang biang i klam pynbait pood wa ka Assam

April 17, 2026

U Kalyan ong u wa oo toh u Scheduled Caste ka Meghalaya wei hanla ym em man u uwa stat dooh na kiwa lai puræ tangwa man u uwa kreh chitom tangwa ini i chah pyndik chah dai sarom da ktah ko yei bor pyrkhat hadooh i puræ puthi.

Ya kani ka FIR da booh ha ka yung krehkaam u SP ka East Khasi Hills.