Chah ujor FIR u sahep IAS wa jrong-kti wei mai sih ya ki pulit hawa lai kynreh yei thaw chong dih

U sahep Indian Administrative Service (IAS) na Andhra Pradesh chirup wa ki le ngut kiwi tawon da chah ujor FIR ki neidaw wa jrong-kti, klam khlemakor wei pynthut ya ki pulit kiwa lai kynreh ya i Pub ha Bengaluru.

Ya ka FIR da ujor ha Cubbon Park Police Station ha ka 10 tarik uni u bnai pyrchah ya u sahep IAS, u Vikas Marmat uwa kreh kam u Special Officer ka Kuppam Area Development Authority wa ki le ngut wa kynthup ya u Abhay Uday Singh, u Nitish wa u Roshan.

Katkam ka FIR, ini da jia i heipor 1:00 waje hadooh 1:30 i step synyaaw ka 10 tarik ha Cavore, kawa man ka Bar and Restaurant wa em ha Residency Road, hapoh u pood ka Cubbon Park Police Station. Ki pulit ha ini i por da paan ki leh ya ki ID Card ki bru yow pyntikna wym em ki bru kiwa dang khian rta.

Related posts

Ki thaw pynyieñ kari wa ki No Entry ha ki sngi Fete ka Tpep-Pale Dorbar Chnong

October 14, 2026

Pynman ka Bataw yei jied waheh chnong wa kiwa kitkaam chnong

October 14, 2026

Ha i Video da yoo ya u Vikas Marmat (uwa ksoh mobile phone) wa yañia u wa ki pulit wa kynthup ya u Police Inspector, u Arun Salunke na ka Special Enquiry Wing ka Central Crime Branch (CCB), Bengaluru City Police wei heini i por uni u IAS da mai sih u ya uni u pulit.

Ya ka FIR da Register hapoh ka Section 115(2), 351(2), 352, 132 wa ka Section 3(5) yong ka Bharatiya Nyaya Sanhita (BNS), 2023.