Ha kani ka 1 tarik uni u bnai, kawi ka manbei ha kawa tip kam ka Mila Bhoi na ka chnong Moodymmai, West Jaiñtia Hills da booh ko ya kawi ka ujor ha Ummulong Police Beat House pyrchah ya u Wot Pala uwa na ka jooh ka chnong yong ka.
Ha ka ujor ka Mila da ong ko wa ha ka 24 Naisaphra u Wot da wan u cha i hali yong ka ya iwa tip pyrtuid kam ka ‘Pohrashi’ kawa em ya ka Pata No. 112 kawa em ha kani ka chnong wei da siat dawai phlang u ya u kba wei deiwa leh kamni da tynyap ya u kba ha kani ka hali.
Da ong ko leh wa da leh u yeini na ki daw wymtip wei ha kani ka samoi toh i por wow khailung u kba wei neini won ym slem de daw toh i samoi wow ah ya u kba.
Chooh chooh da ong ko wa u Wot da pynsepai u ya u kba yong ka wei kani toh ka sien wa 6 wa da siat dawai phlang u ya u kba wow pynsepai u ya u kba ha hali yong ka wei ha u snem wa dadep da leh u yeini ha ka 7 Naikhynde 2019.
Kamtæ da kyntu ko ya ki bor pulit wa ki bor ka aiñ wow leh yeiwa emkaam wow pynchitom ya uni u bru.
