15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

99 ngut kiwa dang yoh COVID-19, ha East Jaiñtia 27 ngut wa sa kawi kawa yap ha East Khasi

Advertisement ad1

Kiwa dang yoh COVID-19 hapoh ka jylla Meghalya hadooh ynne heipor 1 waje i sngi ka 10 tarik da em ki 99 ngut katwa kiwa chait da em ki 19 ngut wa sa kawi kawa yap katkam wa pyntip u DHS(MI) ka jylla u Dr. Aman War.

Na kiwa dang yoh thymme ha East Khasi Hills da em 40 ngut ki bru paidbah, Ri Bhoi 11 (chipai-8, paidbah-3) West Garo Hills 18, West Khasi 1, East Jaiñtia 27, West Jaiñtia Hills 1 wa ha South West Garo Hills 1.

Kiwa dang chait toh ha Ri Bhoi 1, East Garo Hills 1 wa ha West Garo Hills 17 ngut.

Ynne i step da em sa kawi kawa yap kawa pyrtuid Swatika Paul (38 snem) kawa na Laban kawa da kit cha Nazareth Hospital wei da khlaad noh ko chwa wow poi Hospital heipor 6:35 i step, wei da chitom ko 2-3 sngi ha yung. Da chim yaka nongmuna (Sample) hadien wa khlaad wei chem wa em ko ya u COVID-19.

Wa kani, kiwa yap na u COVID-19 da em ki 20 ngut.

Na ki bru paidbah wa dang yoh thymme ha East Khasi Hills toh 26 ngut ki High Risk Contact, 8 ngut kiwa chitom ILI, 1 wakreh Health, 4 ngut kiwa liwan na baar jylla. Ha East Jaiñtia Hills 26 ngut kiwa chem deiwa leh yaka Test paidbah ha Star Cement wei kini toh ki wakreh wa kiwa na baar wa 1 na Umtyra Residential School. Ha West Garo Hills toh 18 ngut ki High Risk Contact. Ha Ri Bhoi 2 ngut ki High Risk Contact, 1 wa chitom ILI. Ha West Khasi Hills 1 High Risk Contact. Ha South West Garo Hills 1 High Risk Contact wa ha West Jaiñtia Hills 1 bru paidbah.

Kiwa dang em COVID-19 ha ki District man ki kamni ha wah:

East Khasi Hills: 899 (chipai-152, paidbah-747)

West Khasi Hills: 32

South West Khasi: 1

Ri Bhoi: 127 (chipai-39, paidbah-88)

West Jaiñtia Hills: 12

East Jaiñtia Hills: 112

West Garo Hills: 194 (chipai-81, paidabh-113)

South West Garo Hills: 6

South Garo Hills: 20

East Garo Hills: 22

North Garo Hills: 9

Waroh kiwa dang em ya uni u khñiang da em ki 1434, kiwa chait 1842 wa 20 ngut kiwa yap.

Ki nongmuna kiwa da dep phah Test da em ki 1,06,654 heiwa kiwa ym em chah ktah namo kiwa man Negative da em ki 1,02,477 tylli wei dang yang yaka Result ki 881 tylli.

Kiwa psiah chapoh ka jylla da em ki 34853 ngut.

Share this:
Previous

Yoh ki waheh chnong yei pynsñiawthooh wow khanglaad yaka Suicide

Next

Chah ujor pyrchah uwi hadien wa siat dawai phlang ya u kba ha Moodymmai, WJH