Jowai: Ynne ka sngi uwi u bru uwa pynemkaam ya ka Facebook hei pyrtuid ‘Last King IC Sutnga’ da thoh (Comment) u ya ki kyntien khlemakor pyrchah ya u DC ka West Jaiñtia Hills, u Dykes LNS Gard ha ka Facebook Page u Wyrta.
Uni u bru da pynemkaam u ya ki kyntien wow beiñ samen (Personal) ya u DC ka District ha kawi na ki khubor wa pynmih u Wyrta.
Uni u bru da thoh u ya ki kyntien wow daisarom wei wow pynhiar kyrdan ya i burom yong u DC.
Ynne neiliang u DC ka District da ujor FIR noh u pyrchah ya uni u bru u Last King IC Sutnga ha Jowai Police Station wei ki pulit leh dang pynman ki yei takit hajrong ini waroh.
Neiliang u Garod da ong u wa ki bor district pdiang ki ya iwon iwon i buit wa ki kyntien wow pyrchah ya ki kaam wa leh ki tangwa ki kyntien wow beiñ wei ki wow ktah ya i sñiaw u bru samen man i iwa ymye u pdiang la kammon kammon leh.
Neiliang u Wyrta leh beiñ joor i ya kam kini ki kyntien wow beiñ namo wow ktah yei sñiaw ki bru samen kamni, ym du heini i por tangwa ha iwon iwon i por leh kamjooh.
Discussion about this post