Ka khynnah kawa dang ar snem da yap ko hadien wa chah yooh ha kawi ka kari katwa dang kyndeh ke ha u sarok wa em hakhmat yung ha Sector 5, Gurgaon deiwa sakhi ka bei wa u pa yeini wa jia.
Kani ka khynnah da tip kam ka Adhiraja Tiwari wei katkam wa khana u pa kani ka khynnah, u Virendra Tiwari uwa man kam u Engineer ha kawi ka IT Company, ini da jia i hei miet ka 7 tarik uni u bnai heipor kamwa 9:00 waje heipor wa ka khon u dang kyndeh ke ko wa uwi u khynnah.
Ka yung ka sem kani ka khynnah da ong ko wa kani ka kari da wan ko ha ini i thaw wa dong wei da yooh ko ya kani ka khynnah katwa uwi won u khynnah wa emlang da ye u wow yut.
U pa kani ka khynnah da ong u wa kani ka jooh ka kari da wan ko na kani ka jooh ka thaw kamwa 5 minit chwa wei da sangeh ko manda yoo ya ki khynnah wa kyndeh tangwa manda wan biang ko da yooh ko ya ka khynnah lakam wym em wa yoo.
Da chem leh wa uni uwa yah kari toh uwa sah pyn ha kani hi ka dong wei da yarap u wow kit ya kani ka khynnah cha thaw sumaar.
Katkam wa yoh u riñ ka CCTV da yoo ya ar ngut ki khynnah wa kyndeh ha sarok hakmat yung heiwa ka bei ka khynnah wa chah yooh dang yaklam ko wa kawi won ka bru heipor wa wan kani ka kari wa yooh ya ka khon ko katwa uwi won u khynnah da yut u cha rood wei kani ka manbei phet ko yow rah ko ya ka khon ko tangwa da khlaad noh ko pyn ha ini i thaw wa jia wei da yoo leh yeiwa wan phet leh u pa.
Ki pulit da pynman ki yei takit hadien wa u pa kani ka khynnah da booh u ya ka ujor wei da lai kem ki leh ya ka kari.
Ya ini wa jia ye phi wow pait heini: https://twitter.com/HateDetectors/status/2097967017794093384?s=20
Discussion about this post