theme-sticky-logo-alt
theme-logo-alt
Advertisement ad1
Advertisement ad1

Cheiwon ka mynried ki khynnah hawa pyn ha ka kot skur leh dang bakla?

Advertisement ad1
Advertisement ad1

Kani ka juk katni hanla man ko ka juk wa yoh yei stat i tip na ki Online Class khamtam hadien wa wan ka khlam COVID-19, kiwa boon hi ki khynnah toh kiwa dang pynemkaam ya ki kot skur. 

Ha kani ka kynti da chem ya i bakla ha ka kot skur Social Science (Special Meghalaya Edition) ya kawa da saam mynkna hapoh ka Sarva Siksha Abiyan, Meghalaya neibynta ka Class 7 ya kawa da saam ha waroh kawi ka jylla. 

Ya i bakla wa da chem ha kani ka kot toh ha ka lynnong (Chapter 1) wa yatoh wa ka Riti Synchaar ka Ri namo “Our Constitution” kawa sdang ha ka sla wa 69 wei hawa kut kani ka lynnong da em ka thup kylli wa tip kam ka ‘Exercise Time’ (ha ka sla 70) ha ka thup Section C ha ka sla wa 71 da kylli “Write T for True and F for False Statements” namo wow kylli lada iwa sakhiat namo thok tangwa ha ka yukulli (Questions) wa em san tylli da e wow jied ya i jubab lakam wow kylli “Choose The Correct Answer” (Jied ya i jubab wa toh). 

Hajrong ini i bakla da em kiwa sikai skur kiwa da dap dei mynsien wa chrai neibhah da ong ki wa wot wa ymye u chim Class næ i man skur wa man-ka-sngi kattæ leh dang khalær ki wei ini cheiwon u yah i ya ki khynnah.

“Ini pynyoo i yei khalær wei khlemakor ka chnat Puræ Puthi neibhah daw pynthame ko ya ki khynnah kiwa khlem wa yah kot ya ki, wei chwa wow chon (Print) ya ka da toh u em ka “Proof Reading” da ong uwi na kiwa sikai skur. 

Ha u Wyrta da pyntip ki kattu katni ngut ki manbei wa ki manpa yei bakla ha kani ka kot da dap ki dei chrai heiwa boon na ki da kylli ki wa kam ha ini i por emkaam u pykhat ya ki manyung kiwa dooh neibhah boon ymye ki wow thied Phone da kiwa sy’at dor neibynta ka Online Class ki khon wei wot ka sorkar leh ymye ko wot tang u pynbiang ya iwa da thoh ha ki kot ki sla kamtæ da man i iwa sepai wa iwa dooh mynsien ya ka mynried yong ki. 

Share this:
Previous

54 ngut ki wow mihkhmat ya ka India ha ka Tokyo Paralympics

Next

Ujor ka RAM cha ka MHRC pyrchah ya kiwa chong chnong ka Mawlai Umjajew