Chem chitom ka sorkar wow pynpoi ya ki kor wow pynlait ya ki 15 ngut: Conrad

Shillong: U montri rangbah ka jylla, u Conrad K Sangma ynne ka sngi da ong u wa ka sorkar chem chitom bha ko wow pynpoi ya ki kor wa heh (Pump) cha i thaw wa em i krem mooyong wow pynlait ya ki 15 ngut ha Ksan, East Jaiñtia Hills.

“Kwah i wow pynemkaam ya ki kor wa heh wow sai lut ya ka um na kani ka krem tangwa chem chitom i wow pynpoi (transport) ya ki,” da ong u Conrang hawa yaklam wa kiwa pathai khubor ynne ka sngi.

Da ong u wa katkam wa man katni chem chitom bha wow pynhiar ya ka um napoh kani ka krem mooyong neibhah wa joor ware i psiah ka um na kiwi ki krem hanlada i sai ya ka um man i iwa dang pteiñ.

Heiyatoh won wei paan yarap na ki chipai duriaw namo ka Indian Navy, u Conrad da ong u wa ka sorkar ympu em pyrkhat ko yeitæ neibhah wa ki bru ka NDRF dang pteiñ ki wow kreh ha kani ka thaw.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pynrap u leh wa i yarap poisa cha kiwa hayung hasem ympu mih i kat wympu tikna wa kini ki bru da man ki kiwa da khlaad deiwa ong leh wa dang kyrmen wow ye u pynlait im hi ya ki.