December 20, 2018

Da 206 Run pyntam ka Meghalaya ya ka Mizoram ha ka Ranji Trophy

Shillong: Ka Meghalaya ynne da pyntam ko da 206 Run ha ka First Innings ha ka sngi nyngkong ka Ranji Trophy wa pynman pyrchah ya ka Mizoram ha madan ka MCA ha Shillong.

Ka Meghalaya da jop ko ya ka kylla khlem wei da phah Bat nyngkong ko ya ka Mizoram kawa da haap lut ki Wicket ko deiwa kamai ko du 86 Run chwa wow baam ja step.

Neiliang ka Meghalaya kiwa kawang bol kiwa leh bha toh u Gurinder Singh uwa yoh 5/15, u Abhay Negi (2/12), u Dipu Sangma (2/22) wa u Aditya Singhania (1/19).

Hawa Bat ka Meghalaya da leh bha ko deiwa kamai 5.62 Run chi Over wei da pynkut ko ya ka sngi wa nynkong da 292/4 na ki 52 Overs.

Kiwa Bat ka Meghalaya kiwa da leh bha toh u Yogesh Nagar uwa da dat 15 tylli ki 4 Run wei da kamai u 91 Run khlem haap ka Wicket u na ki 84 tylli ki bol katwa u Punit Bisht da kamai u 83 Run na ki 80 tylli ki bol wa kynthup ya 13 tylli ki 4 Run waka wi ka 6 Run chwa wow haap u, wei deilang da kamai ki 112 neibynta ka Wicket wa soo.

Hadien wa haap u Bisht da wan u Gurinder uwa da kamai 52 Run na ki 52 Bol wei deilang wa u Nagar da kamai ki 107 Run

Kiwi de kiwa kamai Run toh u Raj Biswa 27 Run, u L Chettri 19 Run wa u Captain ka Meghalaya u Jason Lamare uwa kamai 13 Run.