15 49.0138 8.38624 1 0 4000 1 https://wyrta.com 300 0

Advertisement ad1

Chem chitom ki warep ha Raid Warmawsaw wa hiar thma ki khniang

0 Comments
Advertisement ad1

Shillong: Ki warep ka thaaiñ Raid Warmawsaw da chem chitom bha ki nei wan poi da ki phaw lak tylli ki khniang wa tip kam ki Khniang Tda kiwa da pynjæd ya ki thaw rep deiwa baam lut ya ki mar thung ha kani ka thaaiñ kawa em ha Ri-Bhoi District.

Ki warep kiwa da chah ktah bha na ini i wan kini ki khniang toh kitu kiwa im nei ri ya ki khniang ryndai neibhah wa ki sla wa thung ki toh kiwa e baam ya ki ki khniang ryndia kiwa da chah baam lut ha kini ki kiwi tawon ki khniang.

Ki mar rep wa da rep ha kani ka thaaiñ toh wa pynmih bha toh u ‘sla khniang’ wow psa ya ki khniang ryndia wa u kba, wei kamai ki chiboon deiwa dai ya kini ki mar rep cha ki yaaw tangwa uni u snem won ki warep da chah ktah bha ki nei wan kini ki khniang.

Neiliang ki warep da pyrchang ki da ki buit wa ha rukom wow pyndooh ya kini ki khniang, tangwa ini waroh da man i iwa sepai hadooh wa dei wym yohsa da sangeh wow ri khniang ryndia neidaw wym yoh sla de ki.

Advertisement ad1

0 Comments

Leave a Reply