Chem i takit ka SIT wa u MP ka Assam emkti u ha ki kaam pyrchah ri deiwa emyatoh wa kiwa na Pakistan

U Montri Rangbah ka Assam, u Himanta Biswa Sarma da pyntip u wa ha ka 17 tarik u Thohlakhmi (Feb) 2025, ka Cabinet ka sorkar Assam da chna ko ya ka Special Investigation Team (SIT) wow takit ya ki kaam pyrchah ri yong uwi u nong Pakistan, u Ali Tauqeer Sheikh wa ki lok u.

Hawa takit yillu, ka SIT da chem ko ki kattu katni ki bynta wa khyrngiat ki wow ktah ya ka ri waroh kawi.

Ka SIT da chem ko leh wa em ka nong Britain kawa man ka kurim u Member of Parliament ha India kiwa emkti wa u Ali.

Chooh chooh da chem wa kammon ka Ministry of Interior ka sorkar Pakistan pdiang burom ko ya uni u MP na Assam ha katai ka ri.

Related posts

Dawa kiwa chet ja skur wow pteiñ ya ka PM Poshan wei pynku ya ka nong cha ka Rs. 9000 | Pynman yakhih ha waroh ki HQ ki District

September 22, 2026

Mynstep u wan ki dkhot ka Cockroach Janata Party wow pynyaar chnat cha Northeast

September 22, 2026

Neiliang u Himanta da ong u wa daw puræ bniah u ya ka Report ka SIT wei daw rah ya ka ha ka Cabinet neitæ won daw pynmih paidbah ya iwa da chem na i takit.

Kam wow pynkynmoo wa u Himanta na ki por cha ki por da pynbaad u wa u MP ka Congress na Assam, u Gaurav Gogoi toh uwa jooh lai cha Pakistan yow yoh sikai heiwa da kylli u leh wa kammon u chah khut sñiawbha u ha ka chnat sorkar ka Pakistan lym em iyi iyi wa yoo suba.

Da em leh i pynbaad wa ka kurim u Guarav, ka Elizabeth Colburn toh kawa yajan wa ka ISI ka Pakistan wei jooh kreh ko leh hapoh i pait u Ali Tauqeer Sheikh.