Chem ka HITO wa chim poisa kiwa kreh ha khyrdop ka JHADC pyrchah ya ka kyndon wa da booh

Ka seiñ Hynniewtrep Integrated Territorial Organisation (HITO) Jaiñtia Hills hapoh i yahkhmat u President, u Burom Dkhar deilang kiwi de ki dkhot, ynne ka sngi da lai hiar ki yow pait u sylli ya kawi ka khyrdop ka Jaiñtia Hills Autonomous District Council (JHADC) kawa em ha ka chnong Sonapyrdi, East Jaiñtia Hills kawa tip kam ka Check Station for Non-Tribal Commercial Vehicles Trading License By Council’s Agent/Lesse heiwa kani ka khyrdop toh u kynreh ko ya ki Trading License yong ki kari wa wan na baar jylla kiwa wan kit mar wei pynhaap mar hapoh u pood u ang ka JHADC.

Tangwa ka seiñ da chem ko wa kani ka khyrdop da tyngkheiñ ko ya ka kyndon kawa da booh da ka Secretary ka Executive Committee ka JHADC heiwa da kdaw wa ya ki kari kamai kiwa wan na baar jylla kiwa lai luti hapoh u pood ka Council lyngba ki Interstate National Highway wym emkaam u pait u sylli ya ka Trading License ki neibhah kini ki kari ym emkaam Trading License ki. Tangwa kiwa kreh ha katai ka khyrdop da ksoh ki pyrchah ya ka aiñ wei da chim poisa ki na waroh ki kar kiwa lai lyngba kani ka Check Station kawa em ha u NH-6.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Neiliang ka seiñ da ong ko wa daw ujor ko cha ka JHADC yow pyndam noh ya katai ka soskular ka Council wa uwa chim wai uwa da thung kam u Agent ka Council yow pynkrehkaam ya kani ka Check Station wei lada ka JHADC ym leh ko iyi iyi, neiliang ka seiñ daw ujor ko cha ka yung bichaaar da ka PIL.

Chooh chooh ka seiñ da paan pynche ko na ka JHADC wa hawa e kti ya ka khyrdop cha ki bru samen kiwa chim wai wa lada ye ki wow tyngkheiñ ya ki kyndon wa da booh ha ka soskular wa da yasoi.