Ka Jaiñtia National Council (JNC) lyngba ka Employment Commission kam chibynta i pynkrehkaam ya ka Save Jaiñtia Mission kawa da sdang ha ka 14 tarik u Kmaichonglad (Dec) 2024, ynne ka sngi da hiar ki cha kawi na ki kharkhana pynmih khyndaw-bilat kawa tip kam ka Amrit Cement wa em ha East Jaiñtia Hills yow kynreh Labour License wa Trading License ya ki bru kiwa na baar.
Heini da chem wa kiwa boon ki bru wa kreh ha kani ka karkhana wym biang ki kot ki sla, kamtæ da maham leh ya kiwa pynlai ya kani ka karkhana wym toh u wanrah bru ki da kiwa na baar ki wym biang ki kot ki sla wei wow thung kreh da ki bru yong i hi.
Neiliang u General Secretary ka JNC-CEC, u Wanshwa Suting da ong u wa ki wym biang ki kot ki sla toh u beh ki chisiendon wei ymtoh leh wow wanrah da ki bru kiwa na baar wow leh ya ki kaam wa ye ki bru yong i wow leh.
Chooh chooh da ong u wa ka seiñ ym chong kli kti ko kat wym ye u pynkrehkaam ya ka Policy thung kreh ha kini ki karkhana wei daw lai leh cha kiwi ki karkhana wow lei yeini i jooh.
Discussion about this post