Chem ka KSU ya 30 ngut ki baar jylla wa wan mylla sngi khlem biang ki kot ki sla

Jowai: Ka Khasi Students’ Union (KSU) Upper Shillong Circle, hadien wa yoh yutip ki wa em kamwa 30 ngut ki baar jylla wan kreh mylla hapoh yong ka Indian Air Force, kawa em ha 7 Mer Upper  Shillong. Kamtæ ka seiñ ynne i step hapoh i yahkhmat u President ka Upper Shillong Circle, u Shngain  Sohkhlet, da lai ki wut wut cha katai ka thaw wow sylli ya ki kot ki sla yong kitai ki baar jylla.

Da chem wa ym em uwi leh uwa biang ki kot ki sla kiwa biang napyrdi kitai ki wakreh wa wan na baar jylla. Hadien kamwa kattu katni por, ki chipai da wan ki wow tuklar wei wow pynyoo bor wei da pynpsiah bait ya kiwa wan mylla chapoh.

Neiliang ka seiñ da yieñ pyn-eh wei da pyntip leh cha ki bor yong ka aiñ.

Kamtæ neiliang ka chnat pulit da chimkhia wow poi ha katai ka thaw wei wow sai leh ya ki wakreh mylla cha lait wei da pynkhreh wow pynuiñ ya ki cha ki thaw wa wan ki.

Ini toh katkam ka kyrwoh na u Daniel Kharbani Assistant General Secretary KSU Upper Shillong Circle.