15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chem ka KSU ya kiwa chongdai madan pyrchah ya ka aiñ hadooh kiwa dai kiad ha Ïewduh

Ka Khasi Students’ Union (KSU) Mawkhar Circle ynne ka 10 tarik da lai hiar wow khynra syndet ya ki baar jylla kiwa chongdai madan pyrchah ya ka aiñ ha kini ki por wa ka sorkar da sdang ko wow pynrkhiñ joor yei khangsabk hapoh ka East Khasi Hills District wa ha kylleiñ ka jylla hi waroh kawi.

Ha itai i lai khynra ka seiñ, da kam ko wa da chem yei boon kiwa chongdai madan kiwa na baar jylla kiwa da leh ya ini pyrchah ya ka aiñ nadooh Ïewduh chadoh Khyndailad, kamtæ ki dkhot ka seiñ ha itai i lai khynra da yoh ki wow chim yei pyrtuid wa ki thaw sah yong kitai kiwa chongdai, iwa da pyn lyngngoh wa kammon kiwa na baar jylla da yoh ki wow chong dai hawa i thaw sah ki toh nadooh Laban, Lum Pademsngi (Bishnupur), Nongmensong, Pynthor wei toh kiwa na Assam wa Bihar.

Chooh chooh ka seiñ da ong ko wa iwa rap pynchrai ya ka seiñ toh wa em chiboon ki dkhar kiwa wan chong dih kiad  ha Ïewduh man-ka-sngi katwa neiliang ki pulit u Syiem wa ki pulit SOT paitke ki khlem leh iyi iyi, kamtæ ka seiñ hadien wa yoh ujor na ki paidbah ya ini i laitlan palat, khlem pynslem da lai pynman ko yei khynra wei da chem ko yei sakhiat.

Kamtæ neiliang ki dkhot yong ka seiñ da beh ki ya kiwa chongdai kiad laitlooid hapyrdi ka Ïewduh wot ha kam kini ki por wa ka sorkar dang pyrkhiñ joor ko ya i khangsbak.

Lyngba kani ka kyrwoh, ka KSU Mawkhar Circle da beiñ joor ko ya i wym chimkhia ki bor pynlai District ya ini i kaam deiwa khlem pynchitom ya kiwa leh pyrchah aiñ katwa ya ki Khasi won ki bor sorkar da beh ki.

Ka seiñ da ong ko leh wa ym chong klikti ko wei u kyndang ko naphang lada dang em ki baar jylla kiwa kamai spah pyrchah aiñ neini chakhmat.

Share this:
Previous

Sñiawngooh ka chnong Moolephaw wa ka Lum Lyngdoh ya ka RKM

Next

Boon biang da kiwa chait ha Meghalaya, hiar kiwa dang chah ktah hapoh 5000 ngut