theme-sticky-logo-alt
theme-logo-alt

Chem ka KSU yei leh tngit ki thaw baam wa em ha Laitumkhrah

Ka Khasi Students’ Union Laitumkhrah Unit hadien wa yoh ujor na ki paidbah wa da joor palat i leh sih wei wym bna ki dukan dih cha, ki dukan dai baam dih cha wow lehkhooid kiwa em ha Laitumkhrah.

Kamtæ ynne ka sngi ka seiñ da lai khynra ko ya kini ki dukan wei da chem yei sakhiat yei leh sih, leh tngit kini ki dukan iwa cha palat wei iwa ye wow ktah leh yei chait i khiah ki paidbah.

Ka seiñ da maham ko deiwa eh ya kitai ki thaw baam wa kynthup ya ka Prakash Hotel, Angel Hotel, Kalpatru, Naveen Sweets, Volgo, Pratima, Ashirwaad, Rajshree Sweets waka Foodies wa toh u lehkhooid ki wei da phah leh wow khang chwa mynstep ka sngi khnang wow pynkhooid pura bha ya ka thaw chet thaw khlieñ wei neini chakhmat toh u lehkhooid ki lym kamtæ ka seiñ lada chem biang ko sa chisien daw chim ko da ka luti kawa eh.

Ka seng da dawa ko wa ki Food Inspectors toh u lai hiar pait ki man-u-bnai khnang yow ye u kdoh u khoom chisyndon yei leh sih ki thaw baam waphær waphær, chooh chooh neiliang ka seiñ da kyntu joor ko ya ki paidbah wow husiar bha chwa wow lai baam ha kini ki dukan.

Share this:
Previous

Yoh kem ki pulit ya 500 gram i Heroin wa murieh hapoh u Chassis ka kari ha Ladrymbai

Next

Da u mooria wa chna sarok lai booh ka KSU Thangrain hakhmat u EE