theme-sticky-logo-alt
theme-logo-alt

Chem ka UHM ya ki dukan wa ki baar jylla ki wym biang ya ki kot ki sla ha Balat

Ka seiñ UHM Central Executive Council hapoh i yahkhmat u President, u Charlie J Rani wa kiwa kitkaam ka Balat Border Area Zone da lai ki cha Balat Border Hat, SWKH ha ka 8 tarik heiwa da chem ki wa boon na ki dukan ki baar jylla ym em kot ki kam ka Trading License wei kiwa da em License leh ym em u pynthymme ki ya ka ha District Council, deiwa e daw wa da ekti ki wow pynthymme ya ki ha ki bru dalal namo ki Agent. 

Hajrong ini neiliang ka seiñ da khang ko ya kini ki dukan kiwa khlem kot deiwa maham leh wa ymtoh u wai ki kat wympu yoh ki ya ki kot ki sla wa biang na ka District Council. 

Heijooh i por da kyntu ko ya ka District Council wa ymtoh wow e License cha ki baar jylla deiwa kdaw wa katkam ka District Council Rule (Trading by Non Tribals) Regulation Act 1954 da klam che ko wa ymtoh wow e License ya ki baar jylla neibynta i kaam iwa ye ki tre jylla u leh.

Hawa lai na Shillong cha Balat da chem ar tylli ki kari Pick-up wa em Number Assam kiwa kit ya ki baar jylla kiwa khlem ki kot ki sla kiwa thmu wow lai khih mylla cha Balat wei da phah liwan ya ki, heiwa neiliang ka seiñ da kyntu ko ya ka Infiltration Department ki pulit ka jylla ha Mawngap wa Mawsynram wow chimkhia yeini. 

Ka seiñ da ekti ko leh ha ka Tyrsad Circle wa ka Balat Border Area Zone wow sylli bniah ya kini ki kaam deiwa kyntu leh ya ka sorkar India wow pynkrehkaam noh ya ka ILP hapoh ka jylla Meghalaya. 

Share this:
Previous

Pynman Career Guidance & Counselling ka Loompyrdi Iongpiah

Next

Chongkun ka Chaad Sukra ka Seiñ Raij Nangbah