Chem ki pulit ka West Jaiñtia Hills ya soo tylli ki thuk-thuk wa chah ieh

Ha ka 12 tarik uni u bnai, ki pulit ka West Jaiñtia Hills heipor wa pynman yei uiñ sonteri heipor wa dang step da chem ki ya 3 tylli ki thuk-thuk Yamaha R15 kiwa da chah ieh cha rood sarok kawi chi thaw ha ki bynta ka Lad Demthring.

Na kini ki 3 tylli, du kawi donhi kawa em Number yong Assam iwa AS-01BY-1118, wei da kit ya kini ki thuk-thuk cha Jowai Police Station yow leh yeiwa emkaam.

Da pyntip leh wa ya kini ki thuk-thuk da ieh ki deilang wa ki chabi kiwa da suba wa em wa chna thok, kamtæ da suba ki wa kini toh kiwa chah tooh wei i pyntikna yeini dang lai i chakhmat.

Ynnin hi ka jooh ka sngi, da pyntip cha ki pulit wa da chem sa kawi ka thuk-thuk kawa em wa ieh ha chnong Muphlang, kamtæ da lai cha ini i thaw wei da chem ya kawi ka Royal Enfield kawa em Number AS-01FU-9482, wei ya kani da wanrah cha Jowai PS heiwa ynne ka sngi da wan thooh ka da ki pulit na Assam hadien wa pynyoo ki ya ki kot ki sla.

Related posts

Chah kem ki ar ngut kiwa na West Jaiñtia Hills kiwa tooh Mobile Phone na Glory’s Plaza

January 30, 2026

Ujor FIR ka kurim pyrchah ya u kurim uwa tooh Rs. 10 lak uwa da mut leh wow dung yap ya ka bei ko

January 30, 2026

Kani ka Royal Enfield toh kawa da pyntikna da ki pulit ka Assam kawa chah tooh na Guwahati.