Ki pulit ka East Garo Hills District ynne ka sngi hadien wa yoh yutip ki wa em ki tiar yasiat wa murieh ha khloo ka thaaiñ Dorengkigre, da phah yaka Special Ops Team wow lai thooh ya kini ki tiar heipor 9:30 i step.
Na iwi i thaw i khloo ka Dorengkigre wa em 20 Km na Williamnagar da chem ya 53 tylli ki Walkie Talkie Ear Phones, 219 tylli ki kuli 7.7 ka suloi Sniper wa kawi ka kot wa dawa poisa wa pynemkaam daka GNLA.
Neiliang ki pulit dang pynman ki yaka takit.
