Ki Scientist wa yahkhmat da u Dr. Khlur Mukhim, Principal ka Lady Keane College, da chem ki ya ka jiat dakha wa thymme napoh ki le tylli ki krem wa em ha South Garo Hills District.
Kani ka jait dakha wa tip kam ki Loach toh kiwa em cha tre um wei da chem ya ki ha kiwa boon ki wah wa em ha ka South East Asia tangwa kani kawa dang chem toh ka jait wa dang thymme (Schistura Sonarengaensis) kawa chem hapoh ka krem Sonarenga, krem Nakama wa ha ka krem Chiabol.
Ya ini i lai thooh bniah da kyrchaan da ka ICAR wa em ha Lucknow deilang waka National Bureau of Fish Genetic Resources, wei kini ki Scientist wa da chem ya kani ka dakha toh kiwa na Lady Keane College wa na Guwahati University.
Yeiwa chem ki namo ka Research Paper da pynman ynne da ha ka Wiley-Blackwell Journal kawa man kam ka International Journal of Fish Biology wa em hapoh ka Fisheries Society of the British Isles heiwa da ong wa kani ka dakha toh kawa tip kam ka Schistura Sonarengaensis Species wei toh kawa pher kawa em rap heh ki pyllung khmat najrong kiwi ki dak ki chin wa pynpher ka na kiwi kiwa sariem kam ka.
Discussion about this post