Pynbna u Conrad da ka poisa yarap wa Rs. 3 klur ya ki Club wa ye u psiah cha ka I-League

U Montri Rangbah ka jylla, u Conrad Sangma ynne da pynbna u ya ka Local Football Club Support Scheme heiwa ki Club kiwa ye poi cha ka I-League wa kiwi ki kyrdan wa chaneiñ heiwa ya kini ki Club u kheiñ ya ki kam ki Elite Club, wei neiliang ka sorkar daw kyrchaan ko ki deiwa e da ka Grant kawa Rs. 2 klur wa sa Rs. 1 klur lyngba ki Sponsorship.

Da ong u wa da leh yeini kam chibynta wow kyrchaan wei wow pynchlur ya kitu ki Club kiwa lehbha.

ADVERTISEMENT

Kiwi won ki Club Grassroots/Intermediate Club wa em hapoh ka jylla ye ki wow yaleh ya ka Grant kawa poi hadooh Rs. 15 lak.

Yeini da pynbna u Conrad ynne heipor wa pynman ya ka Durand Cup ha Shillong hei sien nyngkong ha ka JN Stadium kawa dang dep chna thymme wei kawa da chna katkam ki kyndon ka AFC kawa em leh ya u phlang (Natural Turf), ki Floodlights yow ye u yalehke dei miet wa kiwi de kiwa emkaam.

Ha kani ka yalehke ynne, ka Shillong Lajong FC da jop ko ya ka Tribhuvan Army Football Club da 1-0.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Kani da man ko leh ka yalehke wa nyngkong wa da pynman ha JN Stadium nadooh u snem 2016 neidaw wa da pynchna thymme ka.

I kreh ha kani ka Stadium u pteiñ i deiwa booh sa u Synthetic Track.