Jowai : Ka seiñ kiwa dai dohmasi Demthring, West Jaintia Hills da pynsniaw ki yei eh i khoo yong ki neidaw wa joor i chalan tooh kiwa khayi masi hapoh ka ri-loom Jaintia cha Bangladesh kawa ye leh u pyndooh syndon yei doh masi lada dang pteiñ i dai tooh ya ki masi.
Da ong ka seiñ ini i chalan tooh ya ka masi da joor bha i deiwa pyllai ya ki masi lyngba ka chnong Amlarem, Ladjaplem, Dawki, Loompyngad, Trangblang, Muktapur wa kiwi kiwi de ki chnong.
I buit iwa chalan tooh toh em ki por kit ki ya ki masi da ka kari hadien pyllai ki na loom yow lait ki na ki bor ka aiñ.
Kamtæ ini i chalan tooh da sdang pynduna ki ya ki masi ha Iawpynsiñ, Iawmusiang, wa ki yaw ha thaiñ Ri-War. Lada pteiñ ini i duna masi ye u ku dor i dohmasi kamjooh leh u dooh syndon yei doh masi na ki yaw ki hat. Da pynchlur ya kiwa dai tooh ya ki masi neidaw wa ye dor ki hadooh archah yei dor wa dai ha ki yaw yong i.
Neilaing ka seiñ da ong ko wa jooh pyntip ki cha ki bor distrik kamjooh leh cha ki pulit yow chimkhia ki ya ini.
Discussion about this post