Ki VDP ka chnong Tuber Kmai Shnong hei yahluti u President u Kmenlang Dkhar wa u Secretary u Pynshngaiñ Phawa ynnin i janmiet ka 14 tarik heipor 4 waje katwa dang uiñ ki yow leh yei kaam yong ki da yoo ki ya iwi i yusong wei yulum khonboo wa em harood sarok National Highway ha Riat Turning wei manda hiar ki VDP yow wai, da chem ki da i khonboo khynthai iwa da yap, katkam i pait yong ki jan da em i 2-3 sngi ha itai thaw wa chem wei ini i khonboo toh iwa dang kha.
Kamtæ da pyntip wut wut cha ki pulit ka Ladrymbai wei da wan chimkti ki yei tai i khonboo wei da leh ya iwa emkaam.
Katkam i yaklam wa u waheh chnong u Jiedlang Sana waki VDP, da ong ki katkam i thooh tre ki wa itai i khonboo man iwa na jngai wa wan noh heitai i thaw neidaw wa man i iwa rap duna ki bru wa uiñ wa lai.
Neiliang ka Dorbar Chnong Tuber Kmai Shnong da ya pyrkhat jngai bha ki heiyatoh wa kani ka kaam neibhah na i por cha i por jooh em kiwa chim kabu u linoh metyap cha kani ka thaw, kamtæ neilang ka dorbar chnong da booh ko i maham lada jia chem ya kam ya kini ki jaitbru kiwa wan pynsih yei pyrtuid ka chnong ka thaw, ym maap yaki.
Discussion about this post