Chem metyap ki pulit na i khloo wa em ha khappood ka Jalyiah wa Dkhiah

U SP ka East Jaiñtia Hills da pyntip u wa ki pulit haka 20 tarik uni u bnai, da yoh Phone ki na u waheh chnong ka Jalyiah wa em wa chem yei metyap yong u bru wym tipmit wa thiah yap ha iwi i khloo wa em ha khappood ka Jalyiah wa Dkhiah.

Kamtæ da lai ki heh pulit ka Ladrymbai cha ini i thaw yow leh ki yeiwa emkaam tangwa neidaw wa da sdang doom ym ye wow pyndep lut yei kaam.

Yeini da pyntip leh cha kiwi ki heh pulit kiwa da khut yarap na ki Crime Scene Unit na CID Shillong kiwa da wan haka 21 tarik yow leh yeiwa emkaam.

Uni u bru da antaad toh uwa 28-29 snem i rta, uwa jrong 5.7 ft, uwa khia 55 kg wei sap u yaka Jacket rong yong, ka sulapoh rong yong wa rong suñbneiñ, ka patlun Jean rong yong deilang wa ka patlun Track Suit rong yirngam.