Ynne ka sngi ki pulit ka West Jaiñtia da sai ki ya iwi i metyap u bru na iwi i kamra wa chong-wai u iwa em ha Pasyih, West Jaiñtia Hills.
Katkam ka yutip wa bniah da ong wa uni u bru toh uwa da tip kam u Ashutosh Kumar uwa 35 snem i rta, uwa chong wa sah ha Chutkiya Bazar, Patna.
Ka yutip wa tikna da ong ko wa ya i metyap yong oo da chem ynne hadien wa khyndang ya i kamra wa em u da ki pulit wa kiwa hayung hasem yong oo.
Heiyatoh wa ini da wan ki pulit ka Crime Scene Unit na Shillong wow leh yeiwa emkaam wei i takit hajrong ini i kaam dang lai i chaphrang.
