Ha ka 1 tarik uni u bnai da chem yei metyap yong uwi u bru wym tipmit na Umpawai hajan u sarok Wahiajer-Nartiang wa dang haap hapoh ka Nartiang Police Station.
Ya i metyap da pynkit cha Jowai Civil Hospital, Ialong yow leh ya ka Post Mortem wei da booh ya uwa da khlaad ha Morgue Room ka Civil Hospital hi.
Neiliang ki pulit da sdang ki ya ka takit deiwa kyntu ya ki paidbah wow pyntip lada em wa tip ya uni u bru.
Da antaad wa uni u bru toh uwa em 40 snem i rta, uwa langdong i dur khmat, uwa tbian sniooh, uwa jrong kamwa 5 phut, wei da sap u ya ka patlun Jean rong suiñbneiñ, u snieh tympong rong yirngam wa em wa i kyntien wa thoh Police, ki muja rong yong wa i chap (Logo) Puma, patlun poh rong yong, ka sula poh rong suiñbneiñ kawa thoh rong lieh wa i deiñ yong niam ha kti timun.
Kiwa tipmit lane kiwa ye u e yutip chaphang uni u bru ye ki wow Phone ha kini:
Jowai PCR: 9774065467/ 03652-220050.
I/O wa pynman ya ka takit: 7005131566.
